مرحبابكم في يومياات مييزوتي

[ميزو المنصوري]

هلا والله

مرحبابكم يالعرب ..

اخباركوو ..عساكو بخيير ؟؟


طبعا انا حبيت انزل يومياتي

واي شي مهم يصيرلي

بكتبه لكم ^^ ... والحينه بعرفكم ع نفسي


الاسم : ميزو المنصوري ..اصلا لازم يكون ميمو بس انا حبيت اغير هع


العمر : جريب ادخل 15 ..>>احم العمر كله


المهنه : طالبه في الصف التاسع

طبعا بعدني مراهقه هععع

شو تبون تعرفون بعد ..


امم..

الوجبه المفضلة : هع وااااااايد..

( المحاشي دون استثناء هع _ معكرنه بالباشميل وتبوله و......الخ)

هع واااايد بكتب ليين باجر وما بخلص هع

العصير المفضل: عصير ربيع جلكسي >>اموووت فيه ... وعصير مووز

اللون المفضل : الاسود- الاحمر-البنفسجي-الفوشي

امم انا طبعا بنوته وهاديه واحب اسولف ومن النوع اللي بسرعه يندمج مع الناس

الصفاات اللي احبها: الوفا وكل الصفات الحلوة والطيبة

الصفات اللي اكرها : الغدر الخيانه الجذب المجاامله

هواايااتي : اممم وااااااايد

( الشعر يسري بدمي هع _ البر _ اسوي سويت _النت _المناقشه او الحواار_

احب اركب دراجات واحب اسير فوق العرااقيب ايلس واشل او اغني اغاني هاديه)

وانا اجتماااعيه لدرجه فضييعه هع

>>واااااااااايد اتفلسف صح

يلا بخلييكم مع اول يووم :bye:

[ميزو المنصوري]

اول يوم ....

خايف يصيربي شي...

بعدها ماكون حي...


الله يسلمكم امس كنت غايبه عن السكول ..وكان عندنا امتحان من100

عسب يجوفون النسبه ومادري شو وانا حضرتي غايبة وقاعده ع اللاب ..

و تمييت حادرة المنتدى من الصبح ليين المسا مادري يعني الساعه جم...

و اختي قالت بترقد المهم صكرت اللاب ورحت ارقد بس اختي السباله خوفتني

وتمت ترمس عن الينانوه وانا اقولها اذا ما سكتي بنادي امي وهي تكمل وانا يالسه اسمعها وخايفه

...اذكر قبل كانت ترمسني عن الينانوه وانا من الخوف ماكنت اقدر ارقد ..ف تمييت تقريبا شهر ارقد عند امي هع

خلونا نرد لموضوعنا..انا من الخوف ما كنت اقدر ارقد بس بالاخير رقدت و حسيت جني اطيح بحفره >>هو مش حلم

هو شرات الحلم

المهم انا نشيت مفزوعه ويالسه اطالع يمين ويساار و انعادت اللقطه 3 مراات هع >>من الخووف هع

المهم تمييت اظهر من الحجرة وادخل اخر شي قلت لما ابوي بيظهر من الحجرة انا بسير داخل وبرقد عند امي>>رزه

المهم تمييت يالسه في المطبخ وانطر تصير الساعه4 عسب ابوي يظهر ويروح الدوام ولا اجوف الباب انفتح

هه انا سويت روحي اشرب مااي واول ماظهر نقزت ورقدت عند ماما هع جني يااهل وامي تقول 24 راقده عندي خوزي

هههه وانا مب رااضيه هع المهم رقدت وحلمت بمشرفة السكول وفوحده من بنات كلاسي خهعه


.................................................. ...................

ثاني يوم

رحت نشيت وتلبست بسررعه اختي قاصه علي اونه الحين الباص بيي

>>ترا اختي اكبر عني بسنه وانا وهي كله ضراابه هع

المهم تلبست وخلصت ..اختي يت عندي وقالت بتيين الدكان قلتلها اوك ..رحنا الدكان ونحن نمشي وهي

ادزني وتقول يلا وتتحرطم وفي ريال هندي وحليله خاف يوم اختي صرخت علي هعهع

اخر شي رفعت مريولي شويه وتميت امشي بسررعه وبخطواات كبار هه شكلي كان يضحكـ

المهم وصلناانا توني دخلت الدكان ما اشوفها الا وهي ظاهره عصبت وقلت هالسباله ماتعرف تنطر

وراعي الدكان ضحكـ يوم جافني اتحرطم هع ... المهم ردييت ورحت عندها وهزبتها..هع تستاهل

المهم لما وصلت جفت اخوي وعمي الي اكبر عني بسنه ..اونهم ما بروحون السكول ..المهم انا هنيه تمصلحت

رحت قلت لاخووي اقوولك ترا مدرستي جريبه بتوديني تم يطالعني ورااح هه وانا اذا حطييت شي في راسي بسويه هع

المهم قلتله يلا انا بروح احطي الشنطه داخل السياره..الموهيم رحت والاخ ذبحني يمشي شوي شوي

والاغاني من صبااح الله خيير ولا الصوت ع الاخير انا يالسه ومغطيه اذني باييدي هع شكلي كان يضحكـ هع

المهم وصلنا السكول ولا النيرس كانت تمشي بتدخل السكول وعمي قال هاي الفلبينيه ابلة الرياضه

تميييت اطاالعه واقووله وخر عنها هاااي النييرس طالعته بنظرتي الاحتقاري ك المعتااد ..احب اقهرهم بهالنظرة

المهم رحت السكول وكاان اليووم رووعه كنا نغني وندق وسواالف والحينه الحصه الاولي اللي لوعت جبدي

كان عليينا رياضيات وقالتلي ليش غبتي ومادري شو المهم تفلسفت علي وتفلسفت علييها ...

بعدين قامت تحل اوراق الامتحان وانا كنت اطالع بررع وسرحانه ..>>كنت افكر في شخص من المنتدى

عسب تعرفوون انه في ناس تحبكم هع يلا عااد عن تخقوون عليينا بس..هع

المهم تمت تتحرطم وجي وسكت عنها واكتفييت بابتسامه>>اقهر صح اسوي روحي بارده

المهم يت الحصه الثانيه نسيت شو علينا ويت الفسحه طبعا كلت وشبعت وبعديين نص بنات

الصف طلعو وخذو الكراسي ويلسنا برع الصف وقمنا ندق ونغني فدييتنا ربشششه هع

وبعديين يت الحصه الثالثه وكان عليينا علوووم وااااااااااااي فدييييت هالابلة شلون احبهاا ..ههه

جمعتنا مع تاسع 3 وراجعتلنا وجي بعدين يت الحصة الرابعه تمينا نغني وجوفو شو سوينا هع

بنت عمتي >> لانها منصوريه ^^ ,,,انه اونها المعرس واونه اختي العروس اللي هي بنت عمه

وانا ولد عمه فتحت شعري القصير وتعصمت بالشيله واونه اول شي سوينا عرس الريايل

انا تمييت ارزف وايبس جدام بنت عمتي ( المعرس ) وبنت من صفنا قالت ياحيك يالحلو قولو شو سويت

ههه رحت وخذت ورقه صغيره كتبت فيها رقمي وكتبت اسمي اونه هزاع هع

ومشيت من صوبها وعطييتها وقلتلها اليوم يالقمر وغمزتلها

وهني كل البناات ضحكوو وبعدين اوني خلييت المعرس يسلم ع العروس ويبوسها ع جبينها

وبعدين انا تخاشمت ويا بنت عمتي(المعرس) وبست ربيعتي العروس ع جبينها وقلت مبروك وقمت ايبس وارزف هع

ولا بعد لقيتلي بنت حلوة هه هااي ربيعتي اونه هي عروستي جان اقول والله رحت بستها وشليتها

والبناات كلهم يضحكوون هع وخلصت الحصه وكان علينا تربيه وطنيه ...اابلة التربية الوطنيه ودتنا ويلستنا

في الساحه وابلة الانجليزي كانت معانا ووا فدييتهاا دوم اتغزل فيها وتعصب هه وكله تيودني لما اسرح هع

المهم في بنت من صفنا قالتلي ان ابلة الرياضيات جافت شعري اللي كتبته وقامت تتطنز وتقول انه ها اللي فالحيين فيه

انا عصبت وقلت هاااي مالها خص ومالها حق تفتش اغراضي هااي خصوصيااتي المهم البنااات هدوني شويه

وقمت اسوولف بس بعدكنت مضاايجه ومن الخااطر ..بعدين يت الفسحه الثانيه ..قمنا نغني ونطبل وهني

انا غنييت لهم اذا ناوي تروح..اشب النار لجل ادفى....يادمع عيني وكم اغنيه بعد وربيعتي تعصب وتقول

علي صووتج ومادري شوو وانا اضحكـ هه ...المهم تمينا ندق وانا وبنت عمتي المنصوريه

قمنا نرزف ونتخاشم ونيبس هع منو قدنا ... وخلصت الفسحه وكان علينا السادسه عربي

كنت يالسه اكمل الكتاب لاني كنت غايبه ولا بنت قالت ابلة سمعينا رنة فونج فدييتها وااايد احب هالابلة ...

سمعتنا الرنه وبعدين حطت اغنيه انجليزيه هاديه وانا اكتب فجاة قلت للابلة هاي اغنية رومنسيه صح

جان تقول هي سوويييت حركه باني اونه ذايبه ومتعذبه جاان ربيعتي قلدتني وضحكت والابلة تمت تضحك علي

ههه اذكر في مره ربيعتي جيكو قالت شي يعذب انه شي من هالقبيل ..وقفت وقلت واابويه فدييت

كلمة عذاااب واونه طحت وانا ذاايبه ونسييت انه الابلة وااقفه عندي الابلة تمت تطالعني وتضحكـ فديتها انا

هع .. الحصة الاخيره كان علينا انجليزي يلسنا برع الصف وتمينا نسولف ونضحك ع جيكوتي لما قالت

ان بشكارتهم كانت تبي تركب درااجه ويوم ركبت كانت تسوق بسرعه ورااحت صوب الزبااله وطااحت فيها

انا هنييييه نقعت هههاااااااععخع كلنا ضحكنا ...ااااي ايدي تعورني .. نلتقي مره اخرى حبايبي :bye:

[ميزو المنصوري]

هلا وغلا

تذكرت موقف وقلت بقوله لكم ...

الله يسلمكم قبل كم سنه يعني كنت بعدني صغيره

رحت بحر عيمان ولما جفت الدراجات تمييت احن واتحرطم وعصبت ههه

كلهااا هذاااا عسب اركب درااجه ..المهم..انا ركبت و كنت اسوق ومستانسه

ولا تيي وحده هنديه وتخرب وناستي ..الاخت يالسه تسوق شرات البقره هع

ماتعرف تسوق ومستانسه وتطالع حبيب قلبها وتصد ورا ..ولا مره وحده تلف علي

وانا انتبهت ولفييت بسرعه وهي كانت بتنجلب ..انا عصبت وتمييت اطالعها ولا اروح صوبها

واسووق بسرررررعه واصيح ويييل عليها وابتسمت وتميت اطالعها واضحكـ هه فدييتني نذله

........يلا اجوفكم بااجر ..^^

[ميزو المنصوري]

غدرت فيهم وانا ماكنت ناوي اغدر...

تعبت وقلت بكرا بقوولهم وش هو العذر....

اف انا منقهره حرااام قلت لبنات شلتي ان بيي بس غبت

شو نسوي الرقااد وعمايله >>احلى تعبير هع

حرااام اكيييد الحيينه معصبيين وانا الغبية قلت لربيعتي اذا مابتيين بزعل

وقالت خلاص عشان خاطر عنونج بيي فديتها والله ..يلا هونيها وتهون ميزو...

الحينه انا حادرة المنتدى ومحد حادر وملل من الخاااطر...


خاطري اطبخ .


امم بسير اساعد الخدامه يالسه تسوي فطااير...اللي يبي يقول عادي بيوصله عند باب البيت هع:7_17:

برب...بااااااي:bye:

[ميزو المنصوري]

حررررررام نفتررق حراااااااااام ...

خلاااااااص مابي اسمع ملااام....

احكمو علي بعد ما اقول هالكلام..

احبه اعشقه ميت عليه وسلام..

........................................

ان جيييت عندي بحضنكـ

وان ناظرتني بجيييك

وبقول مشتاقلكـ حييل

...................................


من الملل كتبتهم هع ....

[ميزو المنصوري]

احم احم

هالشعر الله يسلمكوو من كتاباتي..


تحسب اني عشانكـ بصير مذلول...

تخسي انت واهلكـ وعشرة من امثالكـ...

تبيني ارخص بعزة نفسي يا مخبول...

حتى في احلامكـ ما تصيير وحياتكـ...

احبكـ..هه..انا قلتهالكـ معقول...

هه يمكت حلمت فييها من زوود هيامكـ...

احبكـ..ياااارب لسااني يكووون مشلوول ...

اذا في يــــــوم قلتهالكـ...

يا مجنـــون خــلكـ عقووول....

ولا ترفع مستواكـ لاسيادكـ...

احم احم وشكرا..هع:bye:

[ميزو المنصوري]

http://mfhom.com

تدري باني بكييت دم ..

على خبر موعد فرقااك..




http://technothrone.com


حبيبي دخيييلك عني لا تبتعد بعيييد..

لا تخليني لحالي في هالمكان جالس وحييد...

[ميزو المنصوري]

مرحبا مرحبا ...

نورتو صفحتي والله ..اخبااركو عساكو بخيرر..

الحمدلله ..انزيين وشوالاخباار ..هع عن تجتلوني بس...

...الحينه بكتب لكم شو استوى يوم فرقونا ...

انا تذكرت السالفه يوم جفت دفتري اللي من القهر كتبت دعوة عزااء...فديتني والله

[ميزو المنصوري]

http://antya7la.com

بكييينا والدمع تحول دم من كثر حزننا ..

بكينا وبغينا نمووت يا ناس ع خبر فراقنا...

دموعنا جرت ع خدنا كانها نهر ولا حسو فينا ....


http://vb.arabseyes.com

فرقونا وبكينا ..وما عرفو معنى كلمة حب واخوه

فرقونا وبكينا وما حسو ببرائتنا مثل براءة هالطفله

http://a7tajk.com

الكــــــل يفكر مع من بكوون

بكون مع الوفي ولا اللي يخوون

.... الحيينه برااويكم الدعوة....

[ميزو المنصوري]

(( خبر عاااااااجل))

تم تفريق صف القلوب المحبة ((5/9))

بتاريخ 18/10/2009م الحصة الرابعه بمدرسة *******

مما ادى ذلكـ بتسبب جلطة عاطفيه للجميع ..

وقد سبب ذلكـ الوفاة (( انا لله وانا اليه راجعون ))

تقبل التعزية في صف القلوب المحبة (( 5/9)) بتاريخ 19/10/2009م

ولقد تركت احداهن رسالة ..واوضحت هذه الرساله بانها من المدعوة ميزو المنصوري

ومحتواها ...


بهذا القراار ..حطمتونا...دمرتونا ..جتلتونا ..ونشكركم بالفعل ..

ومرسوم بالاعلى صورة لفتاة تمثل حكم الاعدام شنقا ....ومكتوب انتو جتلتونا جتل جماعي ...

هذه الرساله التي تركتها المدعوة ميزو المنصوري ...

والان لا يسعنا القول غير..((انا لله وانا اليه رااجعون))


وثاني يوم ربيعتي طلعت قالت شعر والكل انصدم لان الكلمات قويه

و قالولنا هذي اهانه ومادري شو نحن قلنا حرية تعبير راي شخصي وسوينا طااف

ولما فرقونا حطينا شنطنا ورحنا كلنا اجتمعنا في الصف ولا وحده حضرت في الصف الثاني

وثالث يوم ردونا ونحن من الفرحه صحنا فدييييييتنا والله .... محد يقدر يفرقنا ....

اذكر ثاني يوم لما فرقونا انا كتبت ع الصبورة اشعاار والمس صورته ولما ردونا بعد كتبت اشعاار وصورته بعد

.........ااااااااخ فدييتنا اذكر كييييييف كنت اصيييح وحضنت مس العلوم وتمت تهديني وتمييت ساعه حاضنتنها

ورااحت الاداارة عسب خاطري فدييييتها شلووون احبها ..وفدييت مس العربي بعد صااحت يوم جافتنا نصيييح

...ذكرياااااااااااااااااااات واللهـ.....

يـــــــلا اخليييييييييييييكم ....اختي تبي اللاب .هع

[ميزو المنصوري]

ترقبووني من جدييد *_^

[ميزو المنصوري]

.....اففففف ملللل........

[ميزو المنصوري]

افففففف صارتليي سالفه وانا معصبه ومضايجه ...

مادري لييش ماتحبني ..تكرهني ..تتمنى الزلة..

والله قهرر .. اشك اذا مت انها بتصيح ..بتسوييلي عرس عند قبري..

خااطري اكتب كلااااام ..بس ايدي اتعورني .. يالله خاطري اكسر اللاب الحينه ..

بس ما فيني اختيي المعرسه تقول كسرتي لابي شرات ماكسرتي لابج ...

كنت مستاااانسة بس خربت وناااستي لازم ماترووم ..ملك الموووت مهددنهاا

اذا ما ضايجتني وخربت وناستي وخلتني امووت ....بيااخذ روحها ...

الله يصبرني علييها ..متى افتكـ منهااا ماادري ..والله يالييييت اقدر امحيها من حياتي ..

يالييييييييييييييت ....اف انا اذا رمست اكثر بصييح وبكسر كل شي في البييت عسب جيي بسكت

بااااي ....

[ميزو المنصوري]

هلا ..

شخبااركم؟؟ ......

فدييت ربيعتي شرووف انا بس ..اليوم طلعت اللي في قلبي ... اديتها والله...


محد يفهمني شرااتها...اتمنى لو تكوون اختي ..ااااه ...اشتقتلها فدييتها دووم في بالي هالبنت هع ...

اليوم كان علينا امتحان ...وللاسف ما قدرت اغييب ... مشكله خربت رقاادي في اليوميين اللي غبت فيهم...

ولما امتحنت ...مادري شو كنت اسوي بالضبط..محتارة ارقد ولا اكتب هع..فدييتنا تونسنا اليووم ...اتذكر يوم

كنا نلعب في الملعب وناااسه...نفسيتي ترتااااح لما اكوون ويا ربعي ادييتهم ...اليووم دقينا وغنينا هع ....

فديتنا نحن كلنا كنا تعبانين وفينا رقاد ...ولما امتحنا ولعبنا وخلصنا وكل شي رديينا الصف ...قولو شو سوينا ...هع

جمعنا الادراج عند بعض وخمدناااا هع ...فدييتنا والله اللي يشوفنا يقولون 21 اخت في نفس الكلاس ...

....اليوم كنت تقريبا مضايجه بس ربعي طلعوني من الحاله اللي انا فييها..بصرااحه انا ماكوون مرتااحه الا عند ربعي ..

واذا تبوون الصدق ارتاااح عندهم اكثر من البيت هع ...

الحينه بخلييكم ...لما بتستوي موااقف بعديين بييكم ^^

:bye:

[ميزو المنصوري]

اممم انا مستاااانسه بس ليييش ماادري هع

مزااجيه..مادري شفيني هالاياام وااايد ارقد ...

امس رااقده الظهر..ونشييت وبعديين رقدت العصر ..

وبعديين بعد مره رقدت ليين اليووم ..هه من الملل

اليووم امي معصبه الا تخليني اكل سمج

اونه ويهج بيخترب موول ماتكليين شي .هع

اقوووولكم بسيير باخذلي جووله في المنتدى وبييكم ..اوكـ

بااااااااااااي^^

[ميزو المنصوري]

هلا مرحبا السااع ...

اخباااركم عساكم بخيير؟؟.....


اليوم ماماتي مسمعتني تهزيباات 2010 هههه ابد مش مذااكره شي

بس اللهم صفحه وحده ..اف ذبحوني بهالامتحانات ذاكري وذاكري ...

يوم الاربعاء اول امتحاان ..الله يعينا ويوفقنا انشالله..( آميين)...

ابي ارقد بس اعرف بياذووني هع ..اقولكم انا برووح اذااكر ..

باااااااااي ...يلا انتو بعد سيرو ذاكروو ...^^

[ميزو المنصوري]

مرحبـــــــــااااااا.........


انــا مستانسه ..بس بعد مضااايجه ..


انتظركـ...ومستعد انتظركـ لاخر يوم في حياتي..

بس دخيلكـ...لا تفكر تخوني مع غيري وتجرح مشاعري...

...................

اليووووووووم ملل ...بمعنى الكلمه ...محد يسولف

واختي لما يت من راااك تمت شوي وانا كنت راااقده

مالحقت اسولف وياها وجي ..افف ..لازم تيي عندنا

اول ماعرست هي واختي ..والبييت ملل ..

...انا برووح وبعدين بييكم ..^^

[ميزو المنصوري]

انا مستااااااااااااااااااااااااااااانسسسسسسسسه


تعرفون لييييش ....ههه ...مال خلق اكتب هع ..

خلاص بقول لان اليوم رمست ناااس غالين علي..

ياربي احبهم اموووووووت فيهم اعشقهم ...
[
color=FF00CC]بكتب فيهم اشعار ودواويين هه ياربي اشكثر احبهم..[/color]

فدييييييييييييييييييييت اللي احبه وبس ..^^

[ميزو المنصوري]

انا مضااايجه واااااااااااااايد....


ما كان قصدي ..ما كنت اقولها بجديه بس..


افف قهر والله..مضايجه حدي ماكنت اعرف انه هالشخص بيزعل

وبياخذ الكلمه بجديه ...ااااااااه ... بحاول كثر ما اقدر اني اراضيه ..

آآآآآه الحب عذآآآآآآآآآآب وعذبني ويااااااااه ...

[ميزو المنصوري]

فدييييييييييييييت اللي احبهم ويحبوني

انا اليوم مستانسسه حدي ...

رمست ناس غاليين ع قلبي..

احبببببببببهم امووووووووت فيهم

يااااي انا اليوم مستانسه واايد هع

ماعرف شو اسوي ههه والله اتخبلت

اوييييييييييه شو استوى فيني هه جوفو الحب شو سوى فيني

[ميزو المنصوري]

محـد حااد المنتدى غيري هع ..


انا مادري شفيني هالايام ...

كلله مضايجه ومالي خلق حد ..

اختي تقولي بل مب رقااد علييج ..


وااايد ترقدين ههه ..اليوم واااااااايد رقدت..

حتى لما نشيت راسي عورني ..
...افف مادري لييش جي مضاايجه ..

احس بيستويلي شي ..مادري لييش..

..............


اتمنى احب شخص ما يفارقني ولا يخوني..

اتمنى القى حبيب (ن) احــــــبه ويحبني ..

هــــذا هـــو اللـــي ابييه مــن دنيـــــتي ..

شخص افهمه ويفهمني ..رفييق لدربي ..

ابــــــي شخص ينسيني همـــــومي ..

ابيــــه طبيـــــب يـداوي كل جروحي ...

ابي واحد يسمعني لي ضاقت فيني دنيتي ..

هذا اللي اريده من حياتي ..

حاسس قرب يومي ..

اذا زعلتكم سامحوني ...

(( من احساسي )) ...>>من تاليفي الشعر

[ميزو المنصوري]

هلا والله


اخباركم ..عساكم بخيير وعاافيه ..

صارلتلي فتره مب حادرة المنتدى ..

النت فصل وابوي ماصدق ..قال خلاص ماشي نت

بس ما خلييته في حاااله هع ..حليله امس رااح وقالهم يردونه ..

اممم..

اليوم في الاذاعه صارلي موقف يضحكـ بس مابقووله هع


امم ..اليوم في الاسكوول كنت واااااايد اغني ..

حسييت اني غنييت كل الاغاني ..هع

وشو استوى بعدــــ هييه صح تذكرت..

انا وربيعاتي اتفقنا ان يوم الخميس نروح الحدييقه ..

وعزمنا ابلة العربي ..فدييتها والله احبها ..

و بعدين بنروح بيت ربيعتي السعوديه فديتها اموت فيها

خصوصا رمستهم طررر ....عذااااااااااااااااااااااااااااااااااب هع

بنروح بنجهز الاغراض حق حفلة عيد ميلاد اخوها ..

.......


لما رديت من السكول ..

رحت انسدحت ع الشبريه ..

وانا اونه مابخرب رقاادي مابرقد العصر ..

بس تعرفون النوم وعماايله.... خمدته

ونشيت ع اذان العشا هه ..حليلي لما نشيت عرفت اني رقدت

...
انا مشتاااقه لهم حيييييييييييييييل ...طول غياابهم ...

ااااااااه ...اخااف نسوني ... الغاايب عذره معااه ..

عسى ربي يحفظهم ويين ماكانو ..

افف مللل ...بذااكر شويه وبرد ..^^

[ميزو المنصوري]

انا اليوم وااااااااااااااااااااااااااااايد تعباااانه ..

مرييييييييييييضه ...كل امراض الدنيا فيني ....

انا ما امرض الا من هالمدرسة من اشوف شيفتها

كل الامراااض تييني قسم بالله قهـــــــــــــــر ><


افف ... انا باخذلي خطفه سريعه ع المنتدى وبعدييين بروح اريح ((برقد))

يلاا بااااااااااااااااي ... ادعولي ... يمكن دعائكم مستجااب ...

ياااااااااارب تشفيني .... ^^..مع السلامه