ـــــ... اماراتي نجا من الموت بمساعدة جنيه ...ـــــ

[ملاذ الشوق]

السلام عليكم



سالــفة شاب إماراتي .. نجا من المووت بمساعدة يـنـيـــه
تعرفون الكل في اجازه الربيع يروحون العزب .. خاصه في الامارات الشماليه .. المهم خالد و ربعه قرروا في يوم انهم يروحون العزبه و يقعدون هناك قبل لا تبدا الناس في السيره للعزب .. خالد مأذي ربعه انه هو السويق ..اللي لوتضيعه فالبر بيظهر و ما يهمه شي .. المهم الشباب اتحدوه انا ما بيقدر يوصل العزبه من الدرب الصحراوي .. و طبعا غروره أعمى عيونه ,ورد و قال :أزيدكم من الشعر بيت والله لأظهر الساعة 10 فليل .. والمسافة لين العزبة 45 دقيقه ...
المهم ان الشباب حاولوا يغيرون رايه لكن منو يقول ... الريال مصر ..
وبالفعل ظهر من المكان اللي هو كان فيه ودقلهم تليفون وقالهم انا توني ظاهر ... و بعد 30 دقيقه حس انا هو ضيع .. الحبيب كان يمشي على مسافه معينه من الشارع ... فكل ما شاف ليتات السياير من بعيد يعرف انا دربه صح .. " الشارع ما فيه اضاءه .. درب البر" بس اللحين ما يشوف شي لين ما وصل بقعه معينه قام يحس انه فيه شي يضرب السياره من كل صوب شي يخظ السياره طبعا الريال خاف بس كان يقول حق عمره انا هذى يمكن ضرب الحصى من السرعه
بس عقب الضرب زاد فما طاع يوقف و كان يمشي ... و فجأه الباب انفتح و السياره تمشي .. وحس انا في حد يالس عداله .. ويوم لف راسه .. حصل بنت صغيره ... قالتله غمض عينك و اسمعني شو بقولك .. و تمت اتدله الدرب والريال من الزيغه قام يصيح ... وهي تقوله انته لوتدري لو تميت هنيه .. شو كان بيستويبك ؟ و تم يمشي ويسمع كلامها و وهو مغمض عينه ... تقوله يلف يلف ... تقوله يخف يخف ... و الظرب على السياره زاد ... و تليفونه يرن ومن الخوف هب قادر يمد ايده ... و بعد فتره و قف الضرب و كان يمشي لين ما قالتله اوقف ...وفتح عينه لقى عمره جدام الشارع مره ثانيه .. لف راسه يبا يشوف البنت .. لقى اللي عداله عيووووز...
وهو يقول في خاطره القاها من وين ولامن وين ؟.... ونزلت من السياره .. من الخوف مسك الخط ولا حتى شكرها ...
المهم وصل عند ربعه قبل صلاه الفجر بنص ساعه ... ربعه يوم شافوا السياره مجبله ... ارتاحوا .. وطلعلهم خالد ينتفظ من الخوف ودموعه مازره ويهه .. المهم دخلوه و هو يهاذي و طاح غشيان .... خذوه الشباب وودوه عند مطوع المسيد القريب من العزبه .. والمطوع بدوي .. قرا عليه ويالله يالله قدر يرمس .. المهم خبرهم السالفه ...قاله المطوع انته دخلت منطقه ين ... والبنت اللي ساعدتك من الين المسلمين .. و لو تميت بين ايديهم ما تدري شوبيسوون فيك .. و عقب ما ظهروا من المسيد كانت الشمس ظاهره .. ويوم راحوا يجوفون سيارة خالد ... لقوا ان السياره عليها ظربات وحروق ... مكان الاماكن الي حس بظربات فيها ...

ومن يومها الريال كل يوم يدعي حق الينيه اللي ساعدته في كل لحظه.........


( شو رايكم )




والسموحه

[سود العيون]

سبحان الله ,,


الحمد الله والله ماقصرت الجنيه ..


انشاء الله يدعيلها بكل الخير ..


وتسلم ع القصة المؤثرة ..

[ظبيانيه جتاله]

والله زين ينيه تساعد انسان اول مره اسمع بس صدق يقولوون الين المسلمييييين مرات يساعدون الانسان والله حظه مادام هي ساعدته ياويلي لو كنت في هالموقف والله جاان مت من الخووف ...

تسلم يالمدلل ..

ونترياا يديدك ..

[ســامــت]

سبحان الله ,,


الحمد اللهـ واللهـ ماقصرت الجنيهـ ..


انشاء اللهـ يدعيلها بكل الخير ..


وتسلم ع القصة المؤثرة ..

[الحماديه]

سبحان الله ..............

وتسلم ع القصة المؤثرة .............

[ملاذ الشوق]

تسلمون حبايبي ع المرور المنور

[..৩{ṐЯGặЛẔặ]

بصرااحهـ القصهـ طرر

انا اندمج واربيعاتي يرمسوني ع المسن وانا مسويهـ طااف هع هع

تسلم واللهـ ع الموضوع الطيب ولا هنت

[ملاذ الشوق]

هههههههههههههههه زين سويتي فيهم ههههههههههه

تسلمين الغلا ع المرور

[+[عكس قانونه]+]

ربك يعطيييه مهله ...

يباله طولت العمر وعسى الله ربك يهدييه .. يمكن الريال كان صالح في حياته .. بس كان فيه بعض الغرور ...

وسبحان الله ...

ولك خالص الشكر والتحيه

[عاشق الفتك]

الصرااحه شعر يمي وقف قمت اخاف ارووح العزبه

ههههههههههههههههههه