الاماكن المسكونه (رعب شجر الجميز)

[M!sS D!oR]

[size=5]
بسم الله الرحمن الرحيم..[/size]

فى يوم قعدنا انا واصحابي ومش عارفين نعمل ايه غير القعده فى الكوفي شوب المستمره يوميا فواحد صاحبنا اقترح ان احنا نرتب على يوم وناخد العده بتاعتنا ونروح نقضي يوم فى العزبه (بيت وسط ارض خضرا قمه فى الجمال) المهم الكل شجع الفكره دي واتفقنا على يوم الخميس وجمعنا بقى العده بتاعت الصيد والطعم وبندقية الرش والحوارات الجامده دي المهم روحنا هناك الصبح فطرنا وبعدين اصطدنا وهزرنا وركبنا الحمار وقضينا وقت جامد وبعدين واتغدينا وبعد الغدا لقينا هاشم (صاحب البيت) بيقول يا جماعه انا افضل ان احنا نمشي قبل اما الدنيا تليل .....الكل استغرب!!!! ليه يعني يا عم هاشم مهو اليوم زي الفل اهو ....راح قايل يا جماعه لو سمحت يلا بينا علشان ممكن يحصل حاجات مش هتعجبكم....الكل طبعا ضحك واللي يعمل صوت عفريت واللي يعمل صوت ديب ....والغريب ان هاشم مش باين عليه الهزار ...المهم الكل قعد يقول طيب قولنا يا هاشم ايه اللي انت خايف منه رد هاشم يا جماعه مش وقت قصص وحكايات ويلا بينا واول اما نرجع هبقى احكي لكن رغم الكلام اللي قالو هاشم الكل عاند وقال ان احنا عاوزين نعرف ايه اللي انت خايف منه يا اما هنروح فى الضلمه راح قايلنا انتم احرار واتحملو بقى بقى اللي ممكن يحصل المهم قعد بدا يحكي وقال:
انا اكتر الوقت باجي هنا لوحدي وكنت بفضل موجود باليومين والتلاته لوحدي المهم فى يوم وانا قاعد بذاكر علشان الامتحانت وكده لقيت خبط ورزع واصوات جايه من الدور اللي فوق مع العلم ان الدور اللي فوقينا مفيش حد سكن فيه خاااااااالص طبعا انا كبرت دماغي وقولت يمكن تهيؤات بس للاسف نفس الصوت يتكرر كل شويه ومره واحده لقيت صوت زي صوت صرييخ القطه وفجاه الصريخ ده يتحول لصريخ طفل صغير ومن صريخ الطفل لصريخ ست كبيره ...انا روحت واخد بعضي وقايم علشان اشوف فيه ايه فى الشقه دي وانا طالع لقيت قطه قاعده على السلم والقطه لونها اسود جداا والغريب ان البيت من تحت كان مقفول الباب بتاعه ومفيش بيوت جمبنا يبقى ازاي وصلت القطه دي لهنا ...قعدت اخوف القطه علشان تمشي ولا كاني موجود اصلا والاغرب انها كانت بتقربلي وعينيها بتلمع لمعه غريييبه جدا ولقيتها بتفتح بقها على الاخر (فاكره نفسها اسد) بس فعلا المنظر يخوف بجد ..لقيت نفسي جريت زي الصاروخ على الشقه بتاعتي وقفلت الباب ورايا واستعذت بالله من الشيطان الرجيم وبعدين قولت لنفسي انا مش ناقص وجع اعصاب كفايه الامتحانات انا هدخل الم الكتب والحاجه وارجع بسرعه على بلدي الجميله طنطا وانا داخل الم الحاجه بتاعتي لقيت صوت قطه غريب فى الصاله قعدت اقول لنفسي ان الصوت اكيد جاي من بره وبعد اما لميت الحاجه وبلف لقيت القطه اياها فى وشي وقاعده بتبصلي بعنيها المرعبه الرهيبه دي انا طبعا قلبي بدا يدق بطريقه غريبه وحصل اللي مكنش متوقع ابدا ولا كنت اتمناه ابدا ابدا.....النور قطع ...ايوه النور قطع وعينك ماتشوف الا النور لقيتلك قلبي كان شويه وهيقف من الرعب وسمعت صوت صريخ رهيب هيخرم وداني روحت فاتح الباب ولقيت نفسي فى اقل من ثانيه فى العربيه تحت وجيت ادور العربيه مش عاوزه تدور واجرب تاني مش عاوزه تدور وهوه ده وقت تتعطل فيه العربيه المهم روحت نازل من العربيه وقعدت اجري مع العلم ان الطريق مابين البيت والطريق السريع ربع ساعه جري ولا لمبه واحده تنور الطريق والطريق كله مليان شجر جميز وطبعا الكل عارف شجر الجميز بيبقى فيه ايه (مسكون طبعا) وانا بجري بقى وعمال اجري لقيت شوية كلاب زي العسل لونهم اسود واقفين قدامي ومكشرين ومش عاوزين يتحركو ابدا ابدا ولقيت الشجر اللي حواليا عمال يتحرك ويطلع صوت غريييب جدا المهم كبرت وقولت انا هقف اعمل ايه اما اكمل جري وكنت حاسس ان انا لو بصيت ورايا مش هيحصل طيب خالص المهم وانا بجري لقيت واحد ماشي ورا شجره قولت الحمد لله خففت من الجري شويه وروحت فى اتجاه الراجل ده علشان احكيلو المهم حصل حاجه غريبه جدا الراجل وهوه ماشي كان ماشي ورا شجره بس اما عدى الشجره ملقتش ليه اي اثر ولا ورا الشجره ولا قدامها ولا تحتها امال راح فين الموقف ده بقى كمل عليا لقيت نفسي بسرعة الصاروخ مش حاسس برجلي والحمد لله لقيت طاقه اصلا اني اجري تاني واول اما وصلت للطريق بعد تعب طبعا قولت اشهد ان لا اله الا الله وان محمدا رسول الله ومن بعد المواقف دي وانا عمري ما هروح العزبه لوحدي ابدا ولا عمري هروح بالليل منها تاني وعلى فكره انا فى مره كنت جاي مع اهلي هنا واحنا فى الطريق اللي مليان شجر ده لقينا جثه وسط زرع بين شجرتين بس كانت الدنيا ساعتها نهار الحمد لله وبلغنا الشرطه واما وصلو عملو تحرياتهم والحوارت دي وبكده اكون حكيت لكم حكايتي مع العزبه المرعبه .

بعد اما خلص هاشم حكايتو المرعبه دي الدنيا بدات تضلم والنهار بدا يروح واحنا كلنا مرعوبين هنروح ازاي وكنا بنشجع نفسنا وبنقول اكيد هاشم بيسرح بينا مع انو كان بيحلف وبيقسم بالله ان ده حصل معاه المهم الكل لبس ملابسو ونزلنا علشان نركب العربيه والكل خايف انها تكون متعطله زي ما حصل مع هاشم المهم جاي يشغل العربيه لقينا العربيه مش عاوزه تشتغل الكل عينيه برقت والقلب بدا يدق وازاي هنروح فى وسط شجر الجميز الغريب ده المهم بعد شوية محاولات الحمد لله العربيه اشتغلت ومشينا ومش هضحك عليكم انا وفى الطريق اللي فيه شجر الجميز ده كنت همووت من الرعب لان شكل الشجر بالليل اصلا مرعب جدا وفعلا المكان ده مليان كلاب سوده بس الحمد لله كنا قافلين زجاج العربيه (من كتر الخوف) بس الحمد لله عدينا بسلام ووصلنا الى النور من غير اي مواقف مرعبه مع اني كان نفسي يحصل حاجه مرعبه وفى نفس الوقت كنت خايف جدا(غريبه).

[M!sS Candy]

..{ يــٍـٍـٍـٍـســٍـٍـعــٍـٍـٍـدنــٍـٍـٍـي انـٍـٍـٍـٍـي اول وحـٍـٍـٍـده ارد ع المـٍـٍـٍـووؤضـٍـٍـٍـووع


الصـٍـٍـٍـراحــٍـٍـٍـة المـــٍـٍـٍـٍـوؤضووع مـٍـٍـاا علـٍٍـٍـٍـٍـيـــٍـٍـٍـه رمـٍـٍـٍـسه ..


تــٍـٍـٍــســٍـٍـٍـٍـلــٍـٍـٍـٍـمــٍـٍـٍـيــٍـٍـٍـ ن ع المـٍـٍـٍـووؤضــٍـٍـٍـووع الـٍـٍـٍـٍـنــٍـٍٍــايــٍـٍـٍـس


نــٍـٍـٍـريــٍـٍـٍـٍـأإ الــٍـٍـٍـيــٍـٍـٍـديــٍـٍـٍـد .. }~..

[عاشق الفتك]

موضوع مصري ها ههههههه

قصه تخوف الصراحه بس

مشكوره اختي

^^

[الحماديه]

ههههههه اونه الاغراض بتاعتنا هع هع

تسلمين خيتو ع القصه

وربي يعطيج العافيه

^^

[僕は本を読]

يسلمو ع القصة

[学校に行った]

تسلمين خيتوو ع الموضوع